Janë zbardhur detaje të reja nga atentati në Durrës ndaj prokurorit Arjan Ndoj.
Sipas informacioneve të fundit, targat e makinës ‘’Benz’’ me të cilën 3 persona goditën me armë zjarri makinën ku ndodhej prokurori Ndoja janë grabitur para një jave.
Denoncimi është nga një shtetase me inicialet V.GJ. Ndër të tjera, mësohet se targa AA 342 LM i përkisnin një automjeti tip ‘’Nissan’’.
Prokurori Ndoja dhe Muharremi i shpëtuan vdekjes pas ndërhyrjes së menjëhershme në Spitalin e Traumës, ndërsa 30-vjeçari Maloku, drejtuesi i makinës dhe ish-oficer policie ka marrë plumba në shtyllën kurrizore dhe po lufton për jetën.
Atentatorët ndaluan në fshatin Shkafanë të komunës Ishëm, ku një banor i pikasi. Ata kishin planifikuar ta digjnin mjetin, por banori i zonës u foli, ata u larguan menjëherë nga vendngjarja. Gazetari investigativ Spartak Koka zbuloi dje se makina e atentatorëve dhe targa e saj janë grabitur. Ndërkohë, automjeti me të cilin udhëtonte prokurori Arjan Ndoja është në pronësi të Fadil Çallikut.
