Dështon marrëveshja për njohjen e lejeve të drejtimit në shtetin italian

Ka dështuar marrëveshja e qeverisë shqiptare me atë italiane për njohjen e lejeve të drejtimit në shtetin italian.
Qytetarët shqiptarë që banojnë në Itali prej më shumë se 20 vitesh dhe kanë në duar patentën e re, ndeshen me problematikat e shumta.
Qeveria Italiane nga ana e saj ka publikuar një dokument ku shpjegon se përfituesit e vetëm të marrëveshjes janë shqiptarët që janë rezident tre vitet e fundit dhe janë të punësuar me kontratë.
Në Itali janë 500 mijë shqiptarë të pajisur me patenta të para viteve 2015 dhe duket se automatikisht janë të përjashtuar nga kjo marrëveshje.
Por nuk është vetëm kjo. Njohja e lejës së drejtimit me Italinë shoqërohet edhe me një kosto financiare shtesë që shkon mbi 500 euro. Kostoja rritet ndjeshëm për ata që kanë leje të vjetra të drejtimit, pra të lëshuara para vitit 2017.