Kryeministri Edi Rama ka folur për mediat pas përfundimit të seancës plenare ku ka dështuar raundi i parë për zgjedhjen e presidenti.
Ai tha se shumica do të presë deri në raundin e tretë për një dakordësi, në raundin e katër do e zgjedhin vetë. Ndërkohë që nuk më rezulton që ka ndonjë qartësi ndonjë ide ndonjë vullnet nga ana e palëve të tjera.
I pyetur nëse Partia Socialiste ka një emër pwr presidneitn e ri, Rama përgjigjet: “Jo”.
Gjithashtu i pyetur nëse PD i kërkon mazhorancës që t’i japë të drejtën opozitën për presidentin, Rama përgjigjet: Pse PS duhet të dorëzojë të drejtën për të marrë pjesë në proces, dhe t’ia kalojë këtë të drejtë kujt, se nuk po dimë më kë kemi në anën tjetër se kemi lloj lloj copash. Nuk e shoh se ku qëndron logjika në këtë. Ne kemi kaluar në këtë proces kur kemi qenë në opozitë, dy herë, në kohën të drejtimit tim të PS. Një herë kur ne kishim numra të mjaftueshëm për të bllokuar 84-n, pavarësisht se si shkuan gjërat pas, dhe njëherë tjetër kur nuk i kishim numrat. PD i kishte numra për presidentin. Ne u ulëm në proces bëmë përpjekjen tonë dhe shkuam përpara, pavarësisht se shumica e asaj kohe ishte nga radhët e partisë së asaj kohe. Ku është roli që ka pakica të gjejë rrugë për konsensus dhe të jetë i hapur për dakordësi për një emër të propozuar nga shumica.
I pyetur se më kë do të negociojnë, kreu i PS-së tha se dihet se më palë nuk negocion qeveria ndërsa shtoi me ironi që kanë mbetur “vetëm copa” dhe s’po dihet më se me kë do të bisedohet.
Rama theksoi se në tre raundet e para shumica do të presë që të ketë propozime dhe negociata, në të kundërt presidenti do të zgjidhet me 71 votat e mazhorancës.
“ Nuk kemi me kë të negociojmë. Megjithatë, presim. Nuk është e nevojshme që t’i ndajmë ne kush e kush. Dihet me kë ne nuk negociojmë. Të gatshëm të flasim me çdo palë, pjesë që do të fliste me ne. Nëse nuk duan të flasin, në raundin e katërt të përdorim mandatin që na jep Kushtetuta për ta zgjedhur presidentin. Për të ardhur keq, se mund të ishte një proces më i kulturuar, më i edukuar, më i harmonizuar për ballafaqim e shkëmbim idesh. Sot nuk kemi nevojë të krijojmë konflikte ekstra apo të shpikim hendeqe ekstra, se boll janë ato që janë të trashëguara. Ne vetëm mund të shprehim dëshirën e vullnetin e të kemi durimin të ndjekim procedurën…”
