Ministri i Transportit, Sokol Dervishaj, është shprehur i bindur se LSI do të jetë forcë fituese dhe rrjedhimisht edhe forcë drejtuese pas 18 qershorit. Sipas tij ky është vullnet i njerëzve, të cilët kërkojnë që filozofia e LSI të drejtojë vendin.
“LSI do të jetë forcë fituese dhe rrjedhimisht drejtuese. Ne jemi gati të drejtojmë vendin. Koha dhe njerëzit kërkojnë që filozofia e LSI të drejtojë vendin, dhe ne nuk mundemi kurrsesi të bëjmë gjë tjetër vetëm se t’i bindemi këtij vullneti dhe të punojmë fort ta arrijmë këtë objektiv”- u shpreh Dervishaj.
Në zgjedhjet e reja parlamentare, Dervishaj është i dyti në listën e kandidatëve për deputetë të LSI në qarkun e Vlorës.
