Goli i shënuar nga Antonie Griezmann, pesë minuta para fundit, i ka mohuar Real Madridit fitoren në derbin e kryeqytetit spanjoll, në “Bernabeu”. “Los Blancos” sot u ndalën në një barazim 1-1.
Kryesuesit e La Ligës që kanë luajtur një ndeshje më pak kaluan në epërsi me Pepen. Portugezi kërceu mbi të gjithë në një krosim të Toni Krosit nga goditja e dënimit dhe me kokë e çoi topin aty ku portieri Jan Oblak nuk mund ta arrinte dot.
Por të zotët e shtëpisë nuk mundën ta ruanin dot avantazhin, pasi pesë minuta para fundit Antuan Grizman finalizoi një aksion model të bardhekaltërve, duke shfrytëzuar një vertikalizim të Angel Korreas.
Pas këtij barazimi skuadra e Zidanit ka 72 pikë, tri më shumë se Barcelona që në mbrëmje luan në Malaga. Kurse Atletiko ngjitet në kuotën 62, +4 nga Sevilja e vendit të katërt që pret Deportivo La Korunjën.
https://rutube.ru/video/99cad65a0fea9c4d82365a68a03b7f33/?ref=logo
