Pavarësisht se në Kuvend po diskutohet propozimi francez për marrëveshjen me Bullgarinë, deputetët e opozitës në RMV nuk i ndahen përplasjeve me shqiptarët.
Deputeti i së majtës në RMV, Borisllav Kërmov gjatë fjalës në Kuvend iu drejtua me akuza deputetëve shqiptarë ndërsa ju referua historisë.
“E gjithë familja e Skënderbeut ka emra serb. A do të hiqni dorë nga Skënderbeu”, tha Kërmov duke iu drejtuar deputetëve shqiptarë në Kuvend.
Më 30 qershor 2022, ishte kryeministri maqedonas, Dimitar Kovaçevski, ai i cili bëri me dije për publikun se e kishte pranuar propozimin e ardhur nga Elysse-ja dhe presidenti francez Emmanuel Macron. Mbi këtë propozim nga ana tjetër, më 22 qershor 2022, u nda tërësisht në mes Parlamenti i Bullgarisë, i cili nëpërmjet një mocioni mosbesimi, rrëzoi Qeverinë bullgare dhe më pas hoqi veton ndaj Shkupit, duke lehtësuar situatën mes dy vendeve.
