Deputeti demokrat, Saimir Korreshi, i cili që në seancën e parë të parlamentit tërhoqi vëmendje me fjalimin e tij, ka reaguar në rrjetet sociale në lidhje me ndërprerjen e mbledhjes te Komisioni i Ligjeve pasi shumica kërkon seancë online, ndërsa PD me prani fizike.
Nëpërmjet një statusi në facebook, Korreshi shprehet se 97% e shqiptarëve nuk kanë mundësi të blejnë ushqimet për të mbajtur familjet dhe presin “logimin” për të vënë në zjarr tenxheren dhe jo të dëgjojnë përrallat.
Postimi i plotë
“Si tja shpjegoj mamasë time fjalën “logim”?! Sot në diten e parë të mbledhjes të komisionit të ligjeve, paturpësishtë, që në kostituimin e këtij komisioni, edhe pse të gjithë anëtarët e opozitës ishin prezent, shoqja kryetare u mohoi fjalën.
Në kundërshtim të plotë me çdo normë. Preteksi?? I thjeshtë fare. Që të merrje fjalën, edhe pse prezent në sallën e mbledhjeve duhet të “logoheshim”. Po po kështu u shpreh kryetarja e Komisionit të Ligjeve. Kjo fjalë (logim) i kishte bërë pershtypje mamasë time, kur i thashë pse nuk na dhanë fjalën.
Tani si t’ia shpjegoj me fjalë të tjera të thjeshta, por jo vetëm mamasë, por si mamaja ime është mbi 50 % e popullsise së mbetur në Shqipëri.
Shoqja kryetare, 97% e shqiptarëve nuk kanë mundësi të blejnë ushqimet për të mbajtur familjen dhe fëmijët dhe presin “logimin” tuaj për të vënë tenxheren në zjarr, qoftë dhe me fasule e jo të dëgjojnë përrallat e tua. Ndaj vërini gishtin kokës se u bëtë gazi i botës”.
