Ministria e Shëndetësisë njoftoi të mërkurën miratimin e Aktit Normativ me fuqinë e ligjit, që e bën të detyrueshëm mbajtjen e maskave në ambiente të mbyllura.
Por dje në Kuvend deputetët e sfiduan hapur këtë vendim dhe disa prej tyre u paraqitën në parlament pa maskë.
Në një postim në rrjetin e tij social epidemiologu Ilir Alimehmeti shkruan se vendimi i specialistëve, ekspertëve të shëndetit ka rënë në vesh të shurdhër në Kuvendin e Shqipërisë, dhe se Komiteti i Ekspertëve nuk mbështetet sa duhet pikerisht nga drejtuesit e vendit.
Postimi:
“Kur flasim per shembuj, pikerisht per kete e kemi fjalen!
Eshte natyre normale sociale qe te ndjekesh shembullin e drejtuesve!
Pra, çdo gje qe dalin e thone publikime, specialiste, mjeke, Komitet Ekspertesh e me rradhe shkon ne vesh te shurdher nga shembulli i tmerrshem parlamentar…
Mire qe nuk e mbeshtesin si duhet Komitetin e Eksperteve, por te pakten politikanet mund te evitonin futjen e shkopave neper rrota ne menyre te hapur dhe publike”.
