Prangoset Sulejman Vogli, 23 vjeç nga Kavaja
Policia kufitare ka ndaluar në orët e fundit një shtetas të shpallur në kërkim për trafik narkotikësh. Sipas një njoftimi për shtyp të Policisë së Shtetit, arrestimi i shtetasit Sulejman Vogli, 23 vjeç nga Kavaja, është bërë nga agjentët e aeroportit të Rinasit. Sipas njoftimit, në ngarkim të tij ishte lëshuar një urdhërarrest nga Prokuroria e Elbasanit, e cila e ka dënuar në mungesë me 4 vjet e 8 muaj burg për veprën penale “prodhim dhe shitje narkotikësh”. Pas veprimeve të para proceduriale, i arrestuari i është dorëzuar uniformave blu të Elbasanit.
