Kandidat i për deputet i Lëvizjes Vetëvendosja në Tiranë, Boiken Abazi ka reaguar pas publikim të dy videove që tregonin se si fletët e votimit ktheheshin të pavlefshme duke u zhgarravitur me stilolapsa.
Përmes një postimi në rrjetet sociale, Abazi shkruan se si ka mundësi që partitë që konsiderohen të mëdha nuk i kanë publikuar këto video, pasi sipas tij kanë të njëjtin material.
Më tej ai shton pyetjen se si ka mundësi që nuk veprojnë organet e shtetit.
Njoftimi:
Sa video duhet ende të publikojë Lëvizja VETËVENDOSJE! për të kuptuar çfarë makinerie e deformimit të votës ka qenë në lëvizje në këto zgjedhje? Dy të reja i nxorrëm sot, nëse nuk mjaftojnë, nxjerrim edhe tjetër.
Por si shpjegohet që partitë “e mëdha” nuk po i nxjerrin këto video? Nga KQZ i kemi marrë ne pamjet filmike zyrtare. Të njëjtat pamje filmike i kanë edhe ata.
Si shpjegohet që nuk po veprojnë organet e shtetit!?
Kush ka më gojë të thotë se këto kanë qenë zgjedhje të lira e të ndershme!?
Kanë vjedhur para, gjatë dhe pas fushatës si të babëzitur! Vjedhin zgjedhjet që pastaj të vjedhin një popull të tërë!
