Gjykata e Lezhës ka vendosur për të rikthyer për hetim nga prokurorët çështjen e zgjedhjeve të 30 qershorit. Padia ishte bërë nga ana e Partisë Demokratike në degën e Lezhës, ndërkohë që prokuroria vendosi më herët që të mos niste hetime lidhur me zgjedhjet.
Sekretarja e Partisë Demokratike, Alfrida Marku, tha “se vendimi i gjykatës urdhëron prokurorinë e Lezhës të hetojë çdo material dhe ankesë të bërë si dhe të marrë në pyetje anëtarët e KZAZ-së, numëruesit dhe çdo person tjetër që mund të dëshmojë”.
Më 18 korrik të 2019, PD çoi në gjykatë çështjen e zgjedhjeve të 30 qershorit, me pretendimin se ata ishin të manipuluara.
