Partia Demokratike vijon denoncimet për aferën e inceneratorëve. Këtë herë, deputeti demokrat Luan Baçi u ndal tek afera korruptive e inceneratorit të Fierit, ndërsa bëri përgjegjes dyshen Subashi-Rama.
Sipas tij, kryebashkiaku Subashi dhe kreu i qeverisë, Rama firmosën çdo skemë korruptive të këtij inceneratori. Më tej, Baçi tha se vetëm në fillim të këtij muaji janë dhënë 3 herë nga mbi 600 mln lekë për inceneratorin e Fierit.
“Dyshja Rama-Subashi autorizuan miliona euro për persona në kërkim dhe një incenerator që nuk funksionon. Qytetaret e Fierit e dinë mirë se, personin që dyshja Rama-Subashi autorizuan për firmosjen e çdo gjëje që kishte të bënte me inceneratorin e Fierit, fillimisht e emëruan Drejtor të Përgjithshem te Albpetrol, e pak muaj me pas e arrestuan.
Por qytetaret e Fierit u çuditen kur mësuan se miliona euro po paguhen për persona në kërkim ndërkombëtar, ndërkohë që inceneratori nuk funksionon. Vazhdojmë edhe sot me disa pyetje për SPAK: Pse Rama-Balluku paguan 3 herë nga 627 milionë lekë brenda dates 1 gusht, për inceneratorin e Fierit? Ku është inceneratori i Fierit që duhej të ishte dorëzuar me çelësa në dorë sipas kontratës së fshehtë?”, tha Baçi.
