Gjykata e Lartë ka vendosur sotmasën e dënim me 3 vjet shërbim prove për gjyqtaren Majlinda Andrea, e akuzuar për korrupsion pasiv.
Andrea akuzohej për korrupsion pasiv lidhur me marrjen e një ryshfeti 50 mijë euro, për me një vendim për njohjen e një prone prej 40 hektarësh në Butrint.
Gjykata vendosi sot edhe dënimin me 1 vit e 6 muaj burg per Odise Andrean, bashkëshortin e gjyqtares. Për të dy gjykata dha edhe një dënim plotësues, atë të heqjes së të drejtës së ushtrimit të detyrës për 5 vjet.
Nga ana tjetër, avokati i saj Theodhori Sollaku e ka konsideruar vendimin të njëanshëm dhe se ka konstatuar një sërë shkeljesh. Për këtë Sollaku tha se do t’u drejtohet Gjykatës Kushtetuese.
“Ky është vendim i formës së prerë, do të ndjekim hapa tjerë që na lejon Kushtetuta, ka shkelje në mënyrën e marrjes së provës, të drejtës së privatësisë. Edhe prokuroria ka zhvilluar interpretime të njëanshme. Për këtë do t’i drejtohemi Gjykatës Kushtetuese”, tha Sollaku.
