Deputeti i Partisë Demokratike, Ridvan Bode ëshë shprehur i habitur në lidhje me përmendjen e emrit të tij pas vendimit të dënimit të klubit të futbollit “Skënderbeu” me pezullim nga pjesëmarrja ne kompeticionet e ligës evropiane të futbollit.
Bode thotë se nuk ka qenë asnjëherë financues apo anëtar bordi i një organizmi të tillë në Shqipëri apo jashtë.
Teksa i konsideron shpifje të ulëta, Bode fajëson eksponentë të qeverisë aktuale për përfshirjen e emrit të tij në një material të tillë.
Reagimi i plotë:
I habitur dhe i indinjuar, mesova nga mediat se eshte permendur emri im, Ridvan Bode, ne justifukimin e nje vendimi per denimin e klubit te futbollit “Skenderbeu” me pezullim nga pjesmarrja ne kompeticionet e liges europiane te futbollit.
Per opinionin publik dua te sqaroj se:
1.- Nuk kam qene asnjehere financues, donator apo anetar bordi ne asnje organizim shoqeror, kulturor apo sportiv ne Shqiperi apo jashte saj.
2.- Si fans futbolli dhe veçanërisht i klubit te futbollit Skenderbeu, kam dhene mbeshtetjen time nga shkallet e stadiumit sië bëjnë mijëra sportdashës. Asnjëherë nuk kam kontaktuar per te influencuar ne ecurinë e futbollit as drejtuesit e klubit, as trajnerin apo lojtare. Kurre nuk jam takuar apo biseduar për ndeshje apo rezultate me presidente, trajnere apo lojtare te asnje ekipi futbolli.
3.-Nuk kam lidhje me privatizimin e klubit te futbollit Skenderbeu (me sa di ai nuk eshte i privatizuar). Klubi ka qene ne pronësi te bashkise ku kryetar ka qene zv/kryeministri aktual dhe cdo procedure transformimi apo privatizimi kryhet nga bashkia Korce.
4.-Nuk kam privatizuar ndonjë lotari sportive shtetërore, pasi nuk ka patur te tilla. Eshte dhene me ligj licenca e Lotarisë Kombëtare qe nuk ka te beje me baste sportive.
5.-Shpreh indinjatën time për përfshirje ne një material te tille, te prezumuar jo politik, te akuzave dhe konsideratave politike te eksponentëve te qeverisë aktuale te bera ndaj meje.
Per sa me siper do te ndjek ligjërisht shpifjet e ulta e denigruese ndaj meje ne te gjitha instancat kompetente.
p.s. nuk jam njohur me asnje material zyrtar. Reagimi im bazohet ne sa eshte shkruar ne media.
/Ora News/
