Gjatë një konference për shtyp, kryediplomati i jashtëm grek, Nikos Dendias dhe ministrja e Jashtme, Olta Xhaçka, kanë diskutuar për një sërë çështjesh duke nisur nga ligji i luftës e deri te “Deti” në Gjykatën e Hagës.
Në fjalën e tij, ministri grek tha se çështja e detit do të zgjidhet në Gjykatën e Hagës meqë palët nuk kanë rënë dakord për marrëveshjen, ndërsa konfirmoi qëndrimin se Greqia është pro hapjes së negociatave me BE.
“Njoftojmë për vendimin tonë për përcjellin e hapësirave detare, përmbushja e kësaj procedure për ne ka rëndësi të veçantë dhe çështja e detit do të zgjidhet në gjykatën e Hagës. Kjo dërgon një mesazh të rëndësishëm për të përshpejtuar hapat për të mbushur çështjet teknike në çështjen e Hagës. Marrëdhëniet tona janë duke u zhvilluar shumë mirë, madje edhe miratimi i ligjit për luftën ne duhet të bashkëpunojmë dhe të mbyllet sa më shpejt. Të diskutojmë për çështjet praktike. Mos krijojmë çështje të pazgjidhshme që do të pengojë integrimin e Shqipërisë në proceset integruese në BE. Ne konsiderojmë se minoriteti grek në Shqipëri përbëjnë urë lidhëse mes dy vendeve dhe për këtë arsye ne duhet të diskutojmë çështjet që i referohemi dy grupeve shqiptarët që jetojnë në Greqi dhe grekët në Shqipëri. Kurse për pensionet ne ramë dakord që të diskutojmë dhe të zgjidhim këto çështje për njerëz që kanë kontribuar në ekonomitë reciproke”, tha Nikos Dendias.
