Problemet për Manchester United nuk kanë fund. Si të mos mjaftonte periudha e errët me dëmtimet e titullarëve Varanë dhe Martinez, “Djajtë e Kuq” duhet të bëjnë llogaritë me një tjetër lojtar kryesor të ekipit të Ten Hag, i cili është i detyruar, që të mbyllë sezonin për shkak dëmtimi.
Fjala është për mesfushorin e huazuar nga Bayern, Marcel Sabitzer. Austriaku pësoi një dëmtim të meniskut dhe do të detyrohet të humbasë tre ndeshjet e fundit të Premier League si dhe finalen e FA Cup kundër Manchester City. Lajmi i dëmtimit të Sabitzer, u bë i ditur në faqen e tyre zyrtare të klubit.
Sabitzer u mor në huazim gjatë merkatos së janarit, për të zëvendësuar Christian Eriksen, i cili në atë periudhë, pësoi një dëmtim të rëndë, në takimin e FA Cup, përballë Reading.
