Kreu i Komisionit Qendror të Zgjedhjeve, Ilirjan Celibashi ka njoftuar se pajisja e identifikimit elektronik është demonstruar ditën e sotme edhe në qytetin e Kukësit, duke u shprehur se ky sistem është i thjeshtë në përdorim dhe i sigurt.
Përmes një statusi në Twitter, Celibashki shton se ky proces ofron siguri për një proces zgjedhor të rregullt dhe të ndershëm.
“Pajisja e Identifikimit Elektronik, demonstrohet në Kukës. Sistemi i Identifikimit Elektronik të zgjedhësve në ditën e votimit, i thjeshtë në përdorim për votuesit & i sigurtë. Sistemi i Identifikimit Elektronik, siguri për një proces zgjedhor të rregullt & të ndershëm”, shkruan Celibashi.
