Krerët e lëvizjes Vetëvendosje, Visar Ymeri dhe Albin Kurti do të marrin pjesë të martën në një takim publik të organizuar në Tiranë.
Takime të ngjashme liderët e Vetëvendosjes kanë mbajtur edhe në Prishtinë, pas tërheqjes së qeverisë së Kosovës nga marrëveshja me Malin e Zi për vijën e demarkacionit.
Burime nga kjo parti bëjnë të ditur se, takimi do të mbahet në sallën e UNESCO-s, në Muzeun Kombëtar.
Prej më shumë se një viti Vetëvendosja është angazhuar në protesta të shumta popullore, për të mbrojtur, siç thotë ajo, integritetin dhe sovranitetin e Kosovës.
Aktivitetet e kësaj lëvizjeje, që prej kohësh sulmon politikat e qeverisë së Kosovës, kulmuan me protestën e 1 shtatorit në Prishtinë.
/ Top Channel
