Policia ka bërë kapjen dhe ndalimin e dy personave, pasi nga hetimet e kryera dyshohet se këta shtetas janë autorë të ngjarjes së ndodhur më datë 12.07.2017, në fshatin Kalasë, Delvinë, ku është djegur një sipërfaqe prej 80 ha kullotë dhe shkurre në Malin e Muzgësë.
Janë arrestuar shtetasit:
Kastriot Zh., 45 vjeç, banues në Kopaçëz, Delvinë.
Nazmi H, 36 vjeç, banues në Kalasë, Delvinë.
Materialet janë referuar në Prokurori në ngarkim të tyre për veprën penale “Shkatërrimi i pronës me zjarr, kryer në bashkëpunim”, parashikuar nga neni 151 dhe 25 i Kodit Penal.
