Ministri i ri i Brendshëm, Fatmir Xhafaj priti sot një delegacion të BE-së të kryesuar nga Eduart Auer, shef i Divizionit për Ballkanin Perëndimor, i shoqëruar nga zyrtarë të tjerë të lartë të Brukselit si dhe ambasadorja e BE-së në Tiranë, Romana Vlahutin.
Xhafaj prezantoi prioritetet e detyrës së tij dhe masat e pritshme në këtë kuadër.
Delegacioni i BE-së vlerësuan qartësinë e prioriteteve dhe veçanërisht miratimin e Planit Kombëtar të Veprimit kundër kultivimit dhe trafikimit të kanabisit.
Përfaqësuesit e BE, premtoi përshpejtim të asistencës dhe mbështetje me pajisje të teknologjisë së lartë për Policinë e Shtetit në luftën kundër krimit të organizuar dhe trafiqeve.
Në takim u ra dakord gjithashtu për një koordinim të asistencës dhe përfaqësive të tyre në Shqipëri.
