Një tjetër shkencëtare është zhdukur në njërin nga ishujt grek.
Bëhet fjalë për Natalie Christopher, 34 vjeç nga Britania e Madhe. Mësohet se shkencëtarja kishte dalë për vrap në mëngjes dhe nuk u kthye më në banesën ku po qëndronte së bashku me të dashurin e saj.
Mëngjesin e kësaj të hëne partneri i saj 38-vjeçar kishte zbuluar një letër që Natalie i kishte lënë, ku i thoshte se kishte dalë për vrapim, po nuk u kthye më.
Policia, zjarrfikëset, oficerët e rojes bregdetare, vullnetarët dhe të paktën një helikopter janë të përfshirë në kërkimin e Natalie Christopher, 34 vjeç, e cila ka studiuar në Oksford për astrofizikë.
Një zëdhënës i Zyrës së Jashtme në Londër i tha Telegrafit: “Ne po ndihmojmë familjen e një gruaje britanike të raportuar si të humbur në Ikaria, dhe janë në kontakt me autoritetet greke që kryejnë kontrollin e saj”.
Zhdukja e saj vjen pas dhunimit dhe vrasjes muajin e kaluar të një shkencëtareje amerikane që shkoi për një vrapim në Kretë.
Trupi i Suzanne Eaton u gjet e hedhur brenda një bunkeri të Luftës së Dytë Botërore një javë pasi ajo humbi.
