Disa ditë më parë në media është komentuar gjatë marrëdhënia mes dy aktorëve të humorit Bes Kallakut dhe Olsi Bylykut, duke u aluduar se ata nuk janë më miq më njëri-tjetrin.
Shkak për këtë lajm është bërë ditëlindja e Olsit. Midis urimeve të shumta nga personazhe të ndryshëm, ajo çka u vu re ishte mungesa e një urimi publik nga Bes Kallaku dhe Xhensila Myrtezaj. Ata po ashtu nuk ishin në festën e tij ku morën pjesë personazhe të ndryshme të showbizit.
Kujtojmë se Olsi dhe Besi njihen për miqësinë e tyre që u krijua që në emisionin e humorit “Portokalli” e cila u forcua gjatë viteve dhe dyshen e humorit i shikonim shumë shpesh së bashku gjatë postimeve në rrjetet sociale apo me pushime së bashku me partneret e tyre.
E janë pikërisht këto dy të fundit që i kanë dhënë fund zërave. Xhensila publikoi dje këngën e saj të re dhe Egli ishte një nga të parat për ta mbështetur. “Dashuri me dëgjim të parë” shkroi ajo krah një postimi në rrjetet sociale duke hedhur poshtë aludimet për një marrëdhënie të krisur.
Vitin e kaluar Besi u bë pjesë e “Kosherja Show”, ku ftoi edhe Olsin të bëhej pjesë. Mirëpo, ftesa e tij u refuzua nga aktori i cili ka deklaruar se ka bërë shumë lëvizje në pak vite karrierë dhe nuk donte të rrezikonte më. Ndonëse kjo është përfolur si arsye e prishjes së raporteve mes tyre, të dy publikisht e kanë mohuar diçka të tillë duke u shprehur se nuk takohen shpesh për shkak të angazhimeve.
