Lidhur me dekretimin apo jo të paketës “Anti-shpifje”, vjen një reagim nga presidenti Ilir Meta.
Në një deklaratë për mediat, Meta tha se do ta shohë me vëmendje këtë ligj si dhe aktet që u miratuan në Kuvend.
“Do ta shoh të gjithë të zbardhur paketën “Anti-shpifje”. Do të shohim aktet që u miratuan në Kuvend”, tha ai.
Kujtojmë se kuvendi miratoi të mërkurën paketën “Anti-Shpifje”, ku 82 deputetë dhanë votën pro këtij ligji dhe 13 kundër, ndërsa 5 kanë abstenuar.
