Kryetari i Bashkisë së Lezhës është proceduar penalisht në gjendje të lirë për veprën penale “Pengimi i subjekteve zgjedhore”.
Sipas policisë, gjatë një emisioni televiziv Fran Frrokaj, 54 vjeç ka deklaruar se “do të bllokojë KZAZ, do ta mbyll me çelës e nuk do të lejojë zgjedhje”.
Gjithashtu, specialistët e Hetimit të Krimit në Komisariatin Mirditë kanë proceduar penalisht për vepra penale kundër procesit zgjedhor në vend, shtetasit A.K., 34 vjeç, banues në Mirditë; Gj.P., 28 vjeç, banues në Mirditë. Ata akuzohen se kanë dalë në institucione, kanë shkruar parulla dhe kanë fyer ata që do të marrin pjesë në zgjedhje. Materialet procedurale u referuan në Prokurorinë pranë Gjykatës Shkallës së Parë Lezhë.
