Pas deklaratave të ministrit të Jashtëm të Gjermanisë, Heiko Mass ka reaguar kryeministri i Kosovës, Ramush Haradinaj duke thënë se mbështetja e Gjermanisë ndaj Kosovës është vendimtare për procesin e liberalizimit të vizave.
Përmes një postimi në Facebook, Haradinaj shprehet se deklaratat e ministrit të Jashtëm gjerman për “Stuttgarder Nachrichten” tregojnë mbështetjen që vjen nga Gjermania për Kosovën.
Postimi i plotë
Të dashur qytetarë,
Jam i lumtur që të ndajë me ju deklaratën mbështetëse që vjen nga Gjermania mike, për reformat e ndërmarra shtetërore.
Në intervistën e dhënë për gazetën gjermane “Stuttgarder Nachrichten”, kushtuar Kosovës, ministri i jashtëm gjerman Heiko Maas e ka vlerësuar lartë angazhimin e Qeverisë së vendit tonë duke thënë se “Reformat të cilat janë kryer atje janë mbresëlënëse dhe kjo duhet të pranohet.”
Ky është edhe një rikonfirmim se mbështetja e parezervë e Gjermanisë për Kosovën është rezultat i partneritetit të ngushtë e të sinqertë me shtetin gjerman, si dhe është vendimtar për procesin e liberalizimit të vizave dhe rrugën europiane të Kosovës.
