Mëngjesin e kësaj të mërkure ishte e ftuar në emisionin “Abc-ja e mëngjesit”, Erida Baxha. Blogerja rrëfeu si lindi ideja për të krijuar blogun “Ligjërisht bjonde”. E diplomuar për avokati, Erida tregoi se edhe pse ishte shumë skeptike në fillim ia ka arritur të marrë një feedback shumë pozitiv dhe se do të vazhdojë ta ushtrojë, për aq kohë sa e argëton.
“Unë jam një person që rrija shumë në Youtube dhe merrja këshilla nga bloger amerikane. Mendova që dhe rinia shqiptare ka nevojë dhe pse jo mos t’i sjell në shqip.”, tha blogerja.
Ndër të tjera, blogerja foli për tradhëtinë. Ajo tha se “tradhëtia nuk është krim” dhe se është e paevitueshme. “E quaj tradhëtinë si një aksesor që mashkulli e vë në lidhjen e vet për më shumë adrenalinë. Nëse një mashkull më ka tradhëtuar jo domosdoshmërisht ka dashur të më lëndojë.
Tradhëtia nuk është krim, është një pjesë argëtuese që ai e bën, mund ta marri me shokët, në gara me makina, në një udhëtim, e merr dhe nga një femër tjetër. Unë them që është e paevitueshme, nuk di nëse do ta falja apo jo se varet nga rrethanat.“, tha ajo.
