Telashet për teknikun e Kombëtares së Italisë, Antonio Konte, duket se nuk kanë fund.
Ai vazhdon të jetë një nga të akuzuarit në procesin gjyqësor për ndeshjen Albinolefe-Siena të vitit 2011, e cila dyshohet se ka qenë e trukuar.
Por, si të mos mjaftonte kjo, tashmë ka dalë edhe një deklaratë tjetër, që e vë në pozitë të vështirë ish-trajnerin e Juventusit.
Gazetari i Sky, Dario Nikolini, ka nxjerrë një libër me titullin “Padrejtësi sportive”.
Në këtë libër ai ka marrë edhe dëshmitë e dy futbollistëve të Barit, Santorurvo dhe Ganci, që kanë folur për një ndeshje tjetër të trukuar në javën e fundit të Serisë B, 2007-08, Kievo-Bari 2-2.
Konte në atë kohë drejtonte Barin dhe sipas Santoruvo, ka qenë në dijeni se presidenti i Barit, Vincenzo Matarrese, kishte rënë dakord për barazimin.
“Nuk arrinim të shënonin dhe ai nga stoli tallej duke na thënë: ‘As në ndeshjet e shitura nuk arrini të shënoni’”, thotë lojtari i Barit në këtë libër.
