Pas deklaratës së kryeministrit të Kosovës Albin Kurti se Shtetet e Bashkuara të Amerikës nuk mund të përfaqësojnë shtetin e tij, ka ardhur reagimi i liderit të AAK Ramush Haradinaj. Ai shprehet se SHBA nuk e ka kërkuar asnjëherë një gjë të tillë.
“Cila është logjika e kryeministrit kur thotë se SHBA nuk mund ta përfaqësojnë Kosovën, kur nuk mbahet mend që Amerika ta ketë kërkuar një gjë të tillë! (Pse nuk i kishte shkuar ndërmend Albin Kurtit të thoshte në vitin 1999 se Amerika nuk mund ta çlirojë Kosovën)!”, ka shkruar Haradinaj.
Sipas Haradinajt, kryeministri Kurti mundohet ta krijojë përshtypjen se ai mund të jetë viktimë e një “komploti ndërkombëtar”.
“Pse ai me çdo kusht kërkon që Amerikën ta bëjë pjesë të problemit kur ajo ishte dhe është pjesë e zgjidhjes. Pse Albin Kurti mundohet ta krijojë përshtypjen se ai mund të jetë viktimë e një “komploti ndërkombëtar”! Apo po provon që edhe njëherë ta luajë viktimën, si në vitin 2020!. Detyrat dhe obligimet e një kryeministri janë të rënda, aq më tepër në rastin e Kosovës, dhe nëse nuk mund t’u bësh ballë sfidave që t’i nxjerr koha përpara, fajin nuk mund ta kërkosh diku tjetër, pos te vetja!”, ka shkruar Haradinaj.
Ai ka nënvizuar se Kurti duhet të bëjë kthesë për 180 shkallë, sepse sipas tij, është në drejtimin e gabuar dhe se ky vit nuk mund të vazhdojë me të njëjtat gabime.
“Kosova nuk e ka luksin të bëjë eksperimente duke u armiqësuar me partnerët strategjikë por duhet të shtrohet e të rinisë një fazë tjetër bashkëpunimi. Kjo dmth se Kryeministri duhet të bëjë kthesë për 180 shkallë sepse është në drejtimin e gabuar! Ky vit nuk mund të vazhdojë me të njëjtat gabime, sepse me këtë kurs është vënë në rrezik edhe vet ekzistenca e shtetit. Une u besoj atyre vendeve, që në krye me Amerikën, na janë gjendur në kohë të vështira”, ka shkruar tutje Haradinaj.
Pas deklaratës së kryeministrit të Kosovës Albin Kurti se Shtetet e Bashkuara të Amerikës nuk mund të përfaqësojnë shtetin e tij, ka ardhur reagimi i liderit të AAK Ramush Haradinaj. Ai shprehet se SHBA nuk e ka kërkuar asnjëherë një gjë të tillë.
“Cila është logjika e kryeministrit kur thotë se SHBA nuk mund ta përfaqësojnë Kosovën, kur nuk mbahet mend që Amerika ta ketë kërkuar një gjë të tillë! (Pse nuk i kishte shkuar ndërmend Albin Kurtit të thoshte në vitin 1999 se Amerika nuk mund ta çlirojë Kosovën)!”, ka shkruar Haradinaj.
Sipas Haradinajt, kryeministri Kurti mundohet ta krijojë përshtypjen se ai mund të jetë viktimë e një “komploti ndërkombëtar”.
“Pse ai me çdo kusht kërkon që Amerikën ta bëjë pjesë të problemit kur ajo ishte dhe është pjesë e zgjidhjes. Pse Albin Kurti mundohet ta krijojë përshtypjen se ai mund të jetë viktimë e një “komploti ndërkombëtar”! Apo po provon që edhe njëherë ta luajë viktimën, si në vitin 2020!. Detyrat dhe obligimet e një kryeministri janë të rënda, aq më tepër në rastin e Kosovës, dhe nëse nuk mund t’u bësh ballë sfidave që t’i nxjerr koha përpara, fajin nuk mund ta kërkosh diku tjetër, pos te vetja!”, ka shkruar Haradinaj.
Ai ka nënvizuar se Kurti duhet të bëjë kthesë për 180 shkallë, sepse sipas tij, është në drejtimin e gabuar dhe se ky vit nuk mund të vazhdojë me të njëjtat gabime.
“Kosova nuk e ka luksin të bëjë eksperimente duke u armiqësuar me partnerët strategjikë por duhet të shtrohet e të rinisë një fazë tjetër bashkëpunimi. Kjo dmth se Kryeministri duhet të bëjë kthesë për 180 shkallë sepse është në drejtimin e gabuar! Ky vit nuk mund të vazhdojë me të njëjtat gabime, sepse me këtë kurs është vënë në rrezik edhe vet ekzistenca e shtetit. Une u besoj atyre vendeve, që në krye me Amerikën, na janë gjendur në kohë të vështira”, ka shkruar tutje Haradinaj.
