Kryetari i grupit parlamentar demokrat, Edi Paloka, tenton të godasë Erjon Braçen
Debati i ashpër mes ish-kryeministrit Beisha dhe deputetit të PS-së Erjon Braçe ka çuar në vendimin e kryesueses së seancës parlamentare, Valentina Leskaj, për të mbyllur seancën. Në fjalën e tij në foltoren e Kuvendit, Berisha ka lëshuar një mori akuzash për Kryeministrin Rama dhe qeverinë e tij.
Në përgjigje të tij, deputeti Erjon Braçe ka reaguar duke kthyer në kujtesë akuza për kryeministrin Berisha, një ndër të cilat edhe për vrasjet e 21 janarit. Më pas deputetët e opozitës kanë reaguar dhe debati mes palëve mbërriti deri në fyerje personale. Në debat e sipër, deputeti Paloka ka tentuar të godasë me grusht Erjon Braçen.
Seanca është mbyllur për t’u rikthyer pas një pushimi deri në qetësimin e situatës.
