Trajneri i Kombëtares Gianni de Biasi ka thënë se kuqezinjtë janë gati për t’u ndeshur me ekipin italian, megjithëse tha që Shqipëria ka nevojë për një mrekulli.
Në një konferencë për shtyp para ndeshjes Shqipëri-Itali, i pyetur nëse në portë do jetë Hoxha apo Strakosha, De Biasi u përgjigj shkurt: “Do ta mësoni nesër.”
“Kundërshtarin e njihni më mirë se sa unë. Ne jemi gati për t’u ndeshur me ekipin italian. Për Shqipërinë kjo është një ndeshje e veçantë. Shpresoj më të mirën dhe pse të gjithë duan fitoren e Italisë. Kundër Italisë kemi nevojë për një mrekulli. Ta luajmë ndeshjen të qetë dhe si të barabartë. Nuk e zgjodhëm ne për të luajtur në Palermo. Italia zgjodhi Palermon, se ka tifozë të zjarrtë”, tha De Biasi.
