Ka përfunduar video-konferenca e zyrtarëve të lartë të Brukselit, Joseph Daul dhe Johanes Hahn. Dy zyrtarët e lartë të Brukselit, kanë kërkuar nga PD-ja hyrjen në zgjedhje si të vetmin opsion duke mos i lënë asnjë shteg tjetër Partisë Demokratike. Në të kundërt ata kanë theksuar qartë dhe prerë se përgjegjësia për dështimine negociatave dhe mospjesëmarrje të PD-së në zgjedhje është e kryetarit Basha.
Në një bisedë të gjatë me deputetët e PD-së, dy zyrtarët e lartë të Brukselit kanë parashtruar çdo mundësi për PD-në duke tentuar ti bindin për të hyrë në zgjedhje. Më pas ata kanë kaluar në mesazhe direkte, kur theksuan se në këtë rrugë ku ka hyrë PD po ndihmojnë vetëm ndikimin e Putinit. Ishte një mesazh i rëndë për PD-në dhe kryetarin e kësaj partie Lulzim Basha. Dy zyrtarët e Brukselit kanë mbyllur kamerat e videokonferencës dhe janë larguar duke lënë pas mesazhin e hidhur për PD-në: Është përgjegjësia juaj personale, ne do ti njohim zgjedhjet pavarësisht në sju bëheni pjesë apo jo.
Grupi parlamentar i PD-së është në këto momente në një pushim të shkurtër për tu kthyer më pas në mbledhje për të dikskutuar rreth situatës së re të krijuar pas bisedës me zyrtarët e lartë të Brukselit. Pritet të ketë debate të forta.
