Mjeku Erion Dasho ka ngritur dyshime se sipas tij shifrat e Covid nuk po raportohen saktë nga ministria e Shëndetësisë.
Këtë ai e ka bazuar në rastin e vdekjes së mjekut Sefer Dervishi. Dasho thotë se Dervishi i cili ndërroi jetë dje ishte 60 ose 61 vjeç dhe banues në Kavajë, kurse në raportimet e ministrisë nuk jepeshin këto të dhëna.
Andaj ai pyet ministrinë nëse i raporton saktë ose jo shifrat dhe se cili prej viktimave ishte Dervishi.
Postimi i Dashos:
Në 16 shtator, Ministrja Manastirliu nëpërmjet një statusi në facebook shprehu pikëllimin për ndarjen nga jeta të Dr. Seferit, kolegut kavajas që humbi jetën dje si pasojë e COVID. Doktori ishte 60 ose 61 vjeç dhe banues në Kavajë.
Çuditërisht, deklarata e ministrisë për vdekjet nga COVID ditën e mërkurë përmendte një 57 vjeçar nga Lushnja dhe dy persona nga Tirana (përkatësisht 74 dhe 83 vjeç).
Ditën e enjte deklarata përmendte katër humbje jete: 66 vjeçare nga Kukësi, 69 vjeçar nga Kurbini, 70 vjeçar nga Elbasani dhe 72 vjeçar nga Tirana.
Dy pyetje kam për ministrinë dhe komitetin:
CILI NGA TË NDJERËT ËSHTË DOKTOR SEFERI??!!
A JANË DUKE U RAPORTUAR KORREKT HUMBJET E JETËS NGA COVID NË SHQIPËRI.
