Danimarka është skuadra e parë çerekfinaliste e EURO 2020. Danezët kanë mposhtur Uellsin me rezultatin 4-0 dhe heroi i tyre ishte sulmuesi Kasper Dolberg, autor i dy golave. Në fund realizuan edhe Maehle e Braithwaite.
Ndeshja e luajtur në Holandë nisi me një sinjal të dhënë nga Gareth Bale, i cili tentoi të befasonte portierin Schmeichel me një goditje nga jashtë zone. Topi shkoi pranë shtyllës pingule.
Danimarka ishte më konkrete dhe pas 27 minutash lojë arriti edhe të shënonte golin e parë, me anë të Dolberg që godit saktë në hyrje të zonës. Festë e madhe në stadium dhe jashtë tij.
45 minutat e para nuk patën gol tjetër, edhe pse Dolberg e kishte një gjysmë rasti. Sulmuesi gjithsesi nuk fali tre minuta nga nisja e fraksionit të dytë të lojës.
Një prej mbrojtësve të Uellsit i bëri një dhuratë Dolberg, i cili pranë portës goditi fort dhe topi shkoi e u ndal në rrjetë. 2-0 dhe për Danimarkën ishte një gol që u jepte mundësi të merrnin frymë lirshëm.
Tani Danimarka pret të mësojë kundërshtarin në çerekfinale, që do të jetë fituesi i çiftit Holandë-Çeki. Danezët e kanë fituar një herë Europianin, në vitin 1992.
