Një tallje gjigande, shpërfillje, hedhje poshtë, shkelje me këmbë e çdo merite, mundi e djerse që Rama, Besa e pabesia qeverisëse i bën maturantëve
Kështu është shprehur ish-deputeti i PD-së, Luçiano Boçi pasi vetëm pas disa minutave nga fillimi i provimit të maturës në lëndën e letërsisë, teza u postua në rrjete sociale.
Por ky lajm tashmë nuk është aspak i ri. Edhe në provimin shtetëror të anglishtes ish kryeministri Sali Berisha postoi foto të tezave të provimit të cilat ishin publikuar para përfundimit të testit.
Postimi i plotë i Boçit:
Kjo nuk është më Maturë Shtetërore!!!
Ky është Krim Shtetëror!
Një tallje gjigande, shpërfillje, hedhje poshtë, shkelje me këmbë e çdo merite, mundi e djerse që Rama, Besa e pabesia qeverisëse i bën maturantëve.
Fare pak pas fillimit të provimit të Letërsisë, sikurse ndodhi me Anglishten, testi del e përhapet kudo!!!!!
Pas kësaj pse duhet të qëndrojnë në Shqipëri fëmijët tanë, kur këtu stimulohet e fiton çuni i partisë, goca e qeverisë, i forti i krimit, i shkathti i shkollës?!!!
Pas kësaj, pse duhet të heshtin prindërit, maturantët?!!!
Padrejtësia e sotme lë gjurmën e saj tek brezi dhe bëhet shtrat i padrejtësive të tjera.
Turp dhe skandal i vërtetë!
Ky KRIM SHTETËROR është i papranueshëm e duhet dënuar!!!!
