Biznesmeni nga Nikla e Fushë-Krujës, Nazmi Çagu ka rënë pre e një grabitjeje të dhunshme. Në media janë publikuar edhe pamjet nga momenti kur njëri prej autorëve të grabitjes del nga vila dhe largohet. Ai duket teksa lë vilën i veshur me të errëta dhe largohet jashtë saj duke hipur nga muri rrethues e duke u larguar i qetë.
Kamerat e sigurisë në banesë kanë kapur momentet e hyrjes dhe largimit të autorëve, teksa pamjet janë sekuestruar nga policia për të bërë të mundur identifikimin e autorëve të grabitjes.
Banesa e biznesmenit Nazmi Çangu u grabit gjatë natës së kaluar, teksa autorët pasi kanë torturuar kryefamiljarin janë larguar me më shumë se 100 mijë euro dhe bizhuteri floriri.
