Thellohet skandali në kadastrën e Durrësit pasi dalin informacione të reja përsa i përket shkatërrimit të dokumentave. Burimet pranë Prokurorisë, bëjnë me dije se në këtë hetim do bashkëpunojnë disa prokurorë, pasi është një hetim i komplikuar. Aktualisht po kontrollohen regjistrat e dëmtuar dhe nga verifikimet e deritanishme janë konstatuar dëmtime të mëdha.
“Do jetë një punë e gjatë dhe e vështirë për të dalë në konkluzione pasi bëhet fjalë për një hetim me shumë se 25-vjeçar.” thanë burimet për median.
Ndërkohë mësohet se jo të gjithë dokumentacionet kanë probleme të karakterit të falsifikimit, po janë të dëmtuar në kuptimin e mosmirëmbajtjes. Prokuroria bënë të ditur se është në fazën fillestare të hetimit dhe se kjo do jetë një punë e vështirë dhe voluminoze.
Faza fillestare e hetimit ka të bëj me verifikimin e dëmit dhe më pas hetimi do thellohet më shumë, ku do merren në pyetje si qytetarë ashtu edhe personel. Prokuroria kërkon si ndihmë edhe bashkëpunimin e stafit të Kadastrës.
