Zbulohen detaje të reja nga ngjarje e rëndë që është shënuar sot në qytetin e Sarandës. 28-vjeçari Dino Majko është qëlluar 4 herë me thikë brenda një lokali nate nga shtetasi Enivled Aliu i cili ende nuk është kapur nga forcat e rendit.
Personi i plagosur, Dino Majko është transportuar me urgjencë në spital, por se gjendja e tij shëndetësore paraqitet tepër e rënduar dhe për këtë arsye është transportuar drejt Tiranës.
Në vendngjarje ndodhen forca të shumta të policisë dhe ngjarja ka ndodhur kur në lokal kishte shumë klientë të cilët kanë parë ngjarjen e rëndë. Nga ana e policisë ende nuk ka informacione për shkakun e ngjarjes dhe po punon për zbardhjen e motivit.
