Një aksident i rëndë ka ndodhur në Bullgari, ku një autobus me 48 shtetas serbë ka dalë nga rruga dhe ka përfunduar në kanal.
Mbrëmjen e djeshme dolën informacione se shoferit i është prerë këmba dhe sipas informacioneve ende jozyrtare, thuhet se ka edhe thyerje të krahut. Shoferi është testuar për alkool dhe drogë, por të dyja rezultuan negative.
Mbrëmë vonë autobusi është larguar nga vendi i aksidentit, por qarkullimi në atë pjesë të rrugës nuk është ende i kalueshëm. Sipas informacioneve nga Qendra Emergjente janë kontrolluar 28 pasagjerë, nga të cilët 14 janë mbajtur për mjekim, ku tre fëmijë janë në gjendje të rëndë.
