Cristiano Ronaldo shpallet lojtari më i mirë në Europë për sezonin 2015-2016. Pasi mbylli me sukses sezonin si fitues i Champions League dhe Kampion Europe, Cristiano Ronaldo ka fituar një tjetër trofe. Ndryshe nga festimet e zjarrta që ka bërë kur u shpall fitues i “ Topit të Artë”, ai e ka pritur shumë qetë këtë trofe duke thënë:
“Për të disatën herë them se ky vit ka qenë i paharrueshëm për mua, për klubin dhe për kombëtaren time, në nivel kolektiv dhe individual. Çmimi si lojtar i vitit merr më shumë vlera për mua dhe për këtë falenderoj shokët e mi të Realit dhe Portugalisë.”
Gjithashtu ylli madrilen është shprehur se dëshiron që të rinovojë kontratën me Realin dhe dëshiron ta mbyllë atje karrierën e tij pas moshës 41 vjeçare.
