Trajneri Antonio Conte, në konferencën për shtyp të ditës së sotme, i ka dhënë lamturmirën kombëtares italiane.
Ashtu si Buffon, Barzagli dhe Bonucci, trajneri u shfaq mes lotësh duke thënë se humbjen e djeshme nuk e kishte harruar akoma.
“Sot ndihem akoma më keq, edhe më shumë se dje. Ndihem keq për lojtarët e skuadrës time, nuk e meritonin humbje pasi dhanë gjithçka. Nuk mund të le pa përshëndetur të gjithë stafin me të cilin punova me kaq përkuishtim, duke filluar që nga kuzhinieri e deri tek magazinieri Është me të vërtetë një nder që kemi qenë të gjithë së bashku,” tha Conte.
Conte, i cili vitin që vjen do të drejtojë skuadrën angleze të Chelsea-t i uroi dhe trajnerit të ri të Italisë Giampiero Ventura fat në punën e tij të re.
