Çmontohet banda e kokainës në mes të Athinës, mes të arrestuarve dhe dy shqiptarë, si organizohej grupi

Një bandë e trafikut të drogës, që vepronte në qendër të Athinës, është shkatërruar nga policia. Nga aksioni janë arrestuar katër persona.
Mediet fqinje raportojnë se në pranga kanë rënë dy shqiptarë, një nigerian dhe një grek, të moshave 60, 49, 45 dhe një 30 vjeç.
Anëtarët e grupit kriminal i përzgjidhnin shtëpitë për magazinimin e drogës pranë zonës më të gjerë në qendër të Athinës, me qëllim që blerja dhe shitja e lëndës narkotike të bëhej sa më shpejt.
Gjatë aksionit janë gjetur dhe sekuestruar 16 kg e 250.5 gramë kërp i papërpunuar, 1333 gramë kërp i përpunuar (çokollatë), pluhur i bardhë me përbërje kimike të panjohur me peshë 184 gramë, një shumë eurosh, pistoletë me karikator, 3 gëzhoja pistolete dhe 3 makina.