Kandidatja Hilary Clinton ka përzgjedhur senatorin e Virxhinias, Tim Kein, si zv. President potencial, kur duhen vetëm pak ditë nga nisja e konventë së demokratëve. Emri i 58-vjecarit është lakuar edhe në fushatën e vitit 2008 të Obamës si një alternativë e mundshme për postin e zv. Presidentit. Kein është një politikan me eksperiencë, kryesisht në cështjet e sigurisë si dhe në politikat e jashtëme.
Kur duhen vetëm pak ditë nga nisja e konventës së demokratëve, kandidatja Hillary Clinton ka përzgjedhur senatorin e Virxhinias, Tim Kaine, si zv. President Potencial. Lajmi u komunikua nga vetë ish-sekretarja e Shtetit e cila pritet të konfirmohet zyrtarisht si e nominuar për zgjedhjet e shtëpisë së Bardhë. Tim Kaine është një figurë influente në Partinë Demokratike. Ai gëzon eksperiencën e nevojshme për pozicionin e zv. Presidentit për shkak të pjesmarrjes dhe drejtimit të komiteteve të ndryshme në kongres për cështjet e sigurisë si dhe për politikat e jashtëme.
Një tjetër pikë e fortë e nominimit të tij është fakti që Kaine flet në mënyrë të rrjedhshme spanjisht, gjë që mund t’i sigurorë kandidates Klinton një avantazh për të bërë për vete elektoratin me prejardhje amerikano-latine. Ky grup përbën në total afro 17% të popullsisë në Shtetet e Bashkuara. Në kushtet kur Trump ka premtuar ligje të ashpra për emigrantët, përfshirë këtu ndërtimin e një muri përgjatë gjithë kufirit jugor me Meksikën, nominimi i Kaine mund të jetë një plus i madh për fushatën e demokratëve.
Klinton la pas shumë alternativa për të zgjedhur 58-vjecarin, i cili njihet si një mbështetës i marrëveshjeve tregtare. Sa i përket qasjeve të tij, Kaine ka mbështetur planet DACA dhe DEPA të Presidentit Obama për t’i dhënë leje qëndrimi afro 5 milionë emigrantëve të jashtëligjshëm në ShBA. Ndërkohë në kuadrin e politikave të jashtëme, ai është shprehur pro normalizimit të marëdhënieve me Kubën, ka përkrahur marrëveshjen bërthamore me Iranin si dhe ka kërkuar kthimin pas të trupave nga Afganistani.
