Alienët i ka shtënë frikën Çiljetës në Fier. Ka dëshmitare të ëmën, kur jashtëtokësorët i prenë rrugën.
Në rubrikën “Escape” në programin “E Diell” në Top Channel po flitej për ca histori të pazakonta në shtetin e Kosta Rikës, oir vëmendjen e fitoi Çiljeta Xhilaga, sepse na doli Myzeqeja ku e ku më e pazakontë se Kosta Rika.
“Para disa vitesh doli lajmi që në Levan të Fierit ka zbritur një anije alienësh dhe është djegur toka. Pas një jave nga publikimi i këtij lajmi, unë po kthehesha nga Vlora me mamin dhe, teksa udhëtoja, shihja një dritë të kuqe, por që nuk pulsonte. Drita, ndërkohë vetëm lëvizte dhe kuptova që s’ishte sinjal i ndonjë avioni, por u ul në një distancë jo shumë të largët dhe vura re që ajo rrotullohej tërë kohës. Objektin nuk e shquaja dot për shkak të errësirës dhe pata një emocion shumë të madh. Mbaj mend që nuk e shtypja dot freksionin e makinës se më dridheshin gjunjët.”
Me këtë rast pritet që historia e Çiljetës të studiohet nga NASA dhe të jetë episodi i radhës i filmit “X-Files”.
