Cikloni “Ianos” në Greqi, ka shkaktuar viktimën e dytë nga moti i keq në Greqi. Mediat greke raportojnë se viktima është një fermer 63-vjeçar me origjinë shqiptare, ku është gjetur i vdekur në Karditsa.
Raportohet se 63-vjeçari po kërkohej që prej ditës së djeshme nga djali i tij, ndërsa sot është gjetur i pajetë nga ekipet e shpëtimit.
Kështu, numri i të vdekurve nga moti i keq ka shkuar në dy, ndërsa hetimet vazhdojnë për 40-vjeçaren e cila u tërhoq zvarrë me makinën e saj nga lumi Pamisos në Mouzaki.
Situata në zonat e prekura nga cikloni paraqitet serioze. Rrugët janë përmbytur nga shirat e vrullshën, në zonat detare anijet janë fundosur, ndërsa shumë biznese janë shkatërruar.
Sot, në ditën e tretë, parashikohet që uragani do të godasë me të njëjtën fuqi Jugun e Gadishullit të Peloponezit, në Greqinë Qendrore (Sterea) dhe në Kretën perëndimore.
