Një çift të cilët e kanë të pamundur ekonomikisht për të realizuar dasmën e ëndrrave u kanë kërkuar të ftuarve që të japin deri në 150 dollarë.
Ben Farina tha se dasma e tij me Clare Moran do të zhvillohet në qershor dhe do të jetë si një festë “all inclusive”.
Dasma do të zgjasë tre ditë në një kompleks ku nuk mungojnë pishinat dhe spa-të, ushqimet dhe pijet.
Dhëndri thotë se kjo nuk është një kërkesë vetëm në dobi të tij, por është një projekt që ka dëshirë ta realizojë dhe që pa dyshim doi të kënaqë edhe të ftuarit.
Deri më tani 60 të rritur dhe 20 fëmijë kanë konfirmuar ardhjen dhe janë gati të depozitojnë paratë. “Njerëzit përherë paguajnë shuma të mëdha parash kur shkojnë në dasma, pse të mos e bëjnë edhe tani”, është shprehur dhëndri.
