Çifti i famshëm hollivudian Mila Kunis dhe bashkëshorti i saj, Ashton Kutcher janë zotuar të dhurojnë 3,000,000 dollarë donacione për refugjatët nga Ukraina.
Çifti nisi një fushatë në GoFundMe të enjten me qëllim për të mbledhur 30 milion dollarë për Flexport.org dhe Airbnb.org, të cilat janë dy organizata që janë aktive në terren duke ofruar ndihmë të menjëhershme për ata të cilët kanë më shumë nevojë.
Kunis lindi në Chernivtsi të Ukrainës dhe u shpërngul në Shtetet e Bashkuara në moshën 7-vjeçare. “Familja jonë po fillon këtë fond për të ndihmuar në ofrimin e mbështetjes së menjëhershme dhe ne do të sigurojmë deri në 3 milionë dollarë”, tha aktorja.
