Agjencia e Inteligjencës në Shtetet e Bashkuara të Amerikës njohur ndryshe si CIA, në një përditësim të të dhënave për Shqipërinë të bërë më 18 Gusht të këtij viti, publikuar të dhëna shqetësuese sa i përket sigurisë. Në këto të dhëna, CIA thekson se në Shqipëri janë të instaluara celula terroristë të Gardës Revolucionare Islamike të Iranit, shpallur në 2019 nga SHBA si njëra prej 65 organizatave terroriste në glob.
Trupat e Gardës Revolucionare Islamike njohur si (IRGC), janë formuar në maj 1979, pak pas Revolucionit Islamik dhe rrëzimit nga pushteti të monarkut pro-perëndimor të Iranit, Mohammad Reza Shah Pahlavi. Gjeneral Hossein SALAMI është komandanti i IRGC, ndërsa zonat e funksionimit e kanë selinë në Teheran që janë aktive në të gjithë Iranin dhe rajonin e Lindjes së Mesme, si dhe Afganistanin, Gaza, Irak, Liban, Siri dhe Jemen. Organizata ka një aftësi mbarëbotërore për të kryer sulme nëse udhëheqja iraniane e sheh të përshtatshme.
“Vitet e fundit, planifikimi i Forcës Qods për sulmet terroriste është zbuluar dhe ndërprerë në një numër vendesh në mbarë botën, përfshirë Shqipërinë, Bahreinin, Belgjikën, Bosnjën, Bullgarinë, Danimarkën, Francën, Gjermaninë, Keninë, Turqinë dhe Shtetet e Bashkuara”.
Duke marrë parasysh vendimin e CIA-s, nuk dihet nëse ka pasur ndikim një zhvillim i buyjshëm në Shqipëri. Në Tetor të 2019, autoritetet shqiptare, parandaluan një plan nga disa operativë kriminelë, të dërguar në vendin tonë nga Irani. Në atë kohë u njoftua se sulmi ishte planifikuar ditën e Sulltan Novruzit, në mars 2018. Në qendër të sulmeve do të ishin opozitarët iranianë që janë strehuar në Manëz, të cilët njihen si muxhahedinë.
Më 8 prill 2019, qeveria amerikane vendosi Trupat e Gardës Revolucionare Islamike në listën e saj të grupeve terroriste dhe vendosi sanksione kundër këtij institucioni zyrtar për shkak të regjimit sionist. Kjo ishte një lëvizje e paprecedent dhe shënoi herën e parë që Shtetet e Bashkuara përcaktuan zyrtarisht si terroriste ushtrinë e një vendi tjetër. Ekspertët thanë atëherë se vendimi do të rriste në një nivel më të lartë tensionet në marrëdhënien mes Iranit dhe SHBA. Anëtarësia e kësaj organizate vlerësohet në 150 mijë ushtarakë, me njësi tokësore, detare dhe ajrore. Garda mbikqyr edhe programet e raketave balistike dhe programet bërthamore të Iranit.
Në vende të tjera, Garda përdor njësinë e saj të errët Forcat Quds, që udhëhiqeshin nga Gjeneral Major Qassem Soleimani, si dhe milicitë shiite, siç është organizata Hezbollah në Liban, për të shtrirë influencën në mbarë Lindjen e Mesme dhe më gjerë.
