Pas Gianluigi Buffon, edhe Giorgio Chiellini mund t’i thotë lamtumirën përfaqësueses italiane.
Chiellini ka njoftuar në një intervistë për “Corriere Della Sera”, ku foli edhe për eliminimin e Italisë nga Botërori i Rusisë.
“Ende nuk po e kuptojmë atë çfarë ndodhi, ndoshta do ta kuptojmë në qershor”, tha Chiellini. “Duhet që kjo situatë të kthehet në një pikënisje të rilindjes. Duhen reforma e sidomos unitet. Mendova të largohesha nga Kombëtarja pas Botërorit të Rusisë, përshëndeta të gjithë shokët e mi të skuadrës në “San Siro”, por për të ardhmen time duhet të bëj vlerësimet me më pak emocione e me gjakftohtësi”, tha Chiellini.
