Sot në mbrëmje luhen dy ndeshje të tjera të 1/8 të finaleve të Ligës së Kampioneve.
Në “Parkun e Princave” do të vihen përballë Paris Saint Germain dhe Manchester United. Në krahun tjetër, te “Djajtë e Kuq” trajneri Solskjaer po përballet me mungesa të shumta. Pogba nuk luan në këtë sfidë për shkak pezullimi, ndërkohë që 9 lojtarë të tjerë, mes të cilëve Mata, Martial e Sanchez janë jashtë kësaj sfide për shkak të problemeve fizike.
Ndeshja tjetër e mbrëmjes së sotme në Ligën e Kampioneve është ajo që do të luhet në “Do Dragao” mes Portos dhe Romës. Si Porto ashtu edhe Roma vijnë në këtë ndeshje pas dy humbjeve të rënda të pësuara në kampionatet respektive ndaj Benficas dhe Lazios, kështu që në këtë ndeshje do të kërkojnë të lënë gjithçka pas krahëve.
