Fillimi i 2016-s ka qenë katastrofal për Interin.
Në 8 ndeshje, zikaltërit kanë grumbulluar vetëm 9 pikë, ndërsa janë praktikisht të skualifikuar nga Kupa e Italisë.
Ekipi i drejtuar nga Roberto Mançini jo vetëm që tashmëë është dorëzuar për titullin kampion, por është shkëputur me 4 pikë edhe nga zona Champions.
Madje, rrezikon të mos marrë pjesë edhe në Ligën e Europës, duke qenë se Milani tani ndodhet vetëm 2 pikë larg.
Por, çfarë nuk po funksionon tek ky Inter?
Praktikisht asgjë.
Me përjashtim të Handanoviç, mbrojtja ka filluar të pësojë gola të shumtë, ndryshe nga faza e parë, mesfusha nuk funksionon, ndërsa sulmi është në krizë të thellë.
Tashmë Mançini duhet të gjejë një zgjidhje, ndryshe rrezikon që edhe ky sezon të jetë një dështim i madh për zikaltërit.
